Две лица загинаа, а три се повредени во експлозија на гас и пожар во станбена зграда во градот Лобња, во Московската област, соопшти руското Министерство за вонредни ситуации.
Според руските власти, експлозијата се случила утрово во стан на третиот кат од повеќекатна станбена зграда, по што избувнал пожар, кој подоцна бил изгаснат, пренесува ТАСС.
Од објектот биле евакуирани 15 лица, меѓу кои и три деца.
Регионалното одделение на Министерството за вонредни ситуации соопшти дека загинале 32-годишна жена и 35-годишен маж, додека тројца се повредени.
Меѓу повредените, кои биле пренесени во болница, има и две деца.
Во тек е истрага за причините за експлозијата.
