Две престрелки во Брисел за неколку часа, загина едно лице, полицаец застрелан во глава

Два вооружени инцидента ја потресоа белгиската престолнина Брисел во текот на ноќта и утрото. Во престрелка во близина на зградата на Европскиот парламент загинало едно лице, додека во одделен инцидент бил застрелан полициски службеник.

Според белгиското обвинителство, смртоносната престрелка се случила во раните утрински часови во населбата Иксел, објави француското издание на порталот RTL.

— реклама —

Претходно, околу еден часот по полноќ, во предградието Жет бил застрелан полицаец во главата додека се обидувал да запре украдено возило.

Осомничениот за овој напад подоцна бил уапсен од специјалната полиција. При него биле пронајдени три парчиња оружје.

— реклама —

— реклама —

Засега не е утврдено дали двата вооружени инцидента се поврзани.

Белгискиот министер за внатрешни работи, Бернар Кентен, преку објава на социјалната мрежа Икс, соопшти дека е длабоко потресен од трагичната смрт на бриселскиот полициски службеник. Тој наведе дека обвинителството спроведува истрага и порача дека одговорните ќе се соочат со целосната сила на законот.

— реклама —

Според медиумските информации, обвинителството најавило прес-конференција во попладневните часови, на која се очекува да бидат соопштени повеќе детали за двата инцидента.