БРИСЕЛ

Од судница до Брисел: Политичките ривали на иста маса во НАТО

Пратеничката од СДСМ, Славјанка Петровска, и пратеникот од ВМРО-ДПМНЕ, Драган Ковачки, заедно учествуваат на состаноците на Парламентарно собрание на НАТО што се одржуваат во Брисел, по низата јавни препукувања и меѓусебни политички обвинувања во изминатиот период.Двајцата пратеници, покрај соочувањата во Собранието, претходно се најдоа и во судница, откако Петровска поднесе тужба за клевета против Ковачки, поврзана со негови тврдења дека таа поседува хациенда во Бутел.Во објава на социјалните мрежи, Петровска информираше дека учествува на редовните состаноци на Парламентарното собрание на НАТО, оценувајќи дека тоа претставува можност за размена на ставови и за презентација на позициите на претставниците на Алијансата и на Европската унија во контекст на актуелните геополитички движења.„НАТО останува обединето и цврсто посветено на заштитата на безбедноста на граѓаните на својата територија. Сојузниците се свесни за промената на облиците на заканите и континуирано ги прилагодуваат своите безбедносни и одбранбени системи на новите предизвици“, напиша Петровска.Настанот во Брисел се одвива во време на засилени безбедносни тензии на европскиот континент, при што се очекува фокусот да биде ставен на колективната одбрана и одговорот на новите глобални предизвици.

Македонија | пред 1 седмица

Ковачки: Македонија е лојален и доверлив партнер на НАТО, продолжуваме со зајакнување на одбраната и колективната безбедност

„Како повеќепартиска делегација деновиве сме во посета на седиштето на НАТО во Брисел, каде изразуваме парламентарна поддршка за политичката кохезија во Алијансата“, изјави Ковачки.Тој истакна дека за време на посетата било нагласено оти Македонија останува лојален и доверлив партнер на НАТО, со јасна определба за натамошно зајакнување на соработката и исполнување на преземените обврски.Ковачки посочи дека државата ќе продолжи со реализација на одлуките донесени на Самитот во Хаг, со цел зголемување на одбранбените капацитети и јакнење на одвраќањето, како од аспект на колективната, така и од аспект на кооперативната безбедност.Во фокусот, според него, остануваат и управувањето со кризи, како и борбата против тероризмот, како дел од пошироките напори за зачувување на стабилноста во евроатлантскиот простор.„Продолжуваме со посетата и со давањето поддршка на одлуките на Алијансата“, нагласи Ковачки.

Македонија | пред 1 седмица

Мисајловски на состанок на министри за одбрана на НАТО во Брисел

Министерот за одбрана Владо Мисајловски, денеска ќе учествува на состанокот на ниво на министри за одбрана на Северноатлантскиот совет на НАТО во седиштето на Алијансата во Брисел.- Министерот Мисајловски заедно со колегите-министри за одбрана на сојузничките земји, за време на состанокот ќе дискутираат на повеќе теми меѓу кои и инвестициите во одбраната согласно последните одлуки од Самитот во Хаг, исполнување на целите на способност, зацврстувањето на одбраната, придонесот во операциите предводени од НАТО како и за актуелните безбедносни предизвици, информира Министерството за одбрана.

Македонија | пред 1 седмица

Лет на Wizz Air прекинат по два часа: итно слетување во Брисел

Авион на авиокомпанијата Wizz Air кој утрово полетал од Скопје кон Париз прогласил вонредна состојба околу два часа по полетувањето, додека се наоѓал над Луксембург, пренесуваат специјализирани сервиси за следење на летови.Станува збор за летот W64719, управуван од авион „Airbus A321neo“. Според достапните информации, екипажот одлучил да го прекине летот и да го пренасочи кон аеродромот Брисел–Шарлроа, каде што леталото безбедно слетало околу 7:30 часот по универзално време, по приближно два часа и 15 минути во воздух.Податоците од системот за следење на летови Flightradar24 исто така покажуваат дека авионот бил пренасочен и наместо во Париз слетал во Брисел.Според објавите на домашните медиуми, додека авионот бил во воздушниот простор над Луксембург, пилотите побарале итно слетување на бриселскиот аеродром Шарлоа, кој бил поблизу се со цел да му се укаже лекарска помош на патникот.

Македонија | пред 2 седмици

По 20 години мистерија: Во Брисел пронајдени останките на исчезнат Македонец

Човечки останки пронајдени во куќа во бриселската општина Ворст се идентификувани како на Реџеп Рахмановски, државјанин на Македонија кој се водел како исчезнат повеќе од 20 години. Откритието било направено во јули 2025 година, кога работници при реновирање на објект пронашле скелет во подрумот.Според белгискиот јавен сервис „VRT“, Рахмановски, роден во 1976 година во Македонија, последен пат бил виден на 16 јули 2003 година, кога го напуштил ресторанот на улицата Касмаркт во Брисел, каде што работел. Оттогаш му се губи секоја трага. Посмртните останки биле пронајдени на околу пет километри од местото на неговото исчезнување.Белгиската полиција упати јавен апел до сите кои имаат какви било информации поврзани со случајот да се јават на електронската адреса avisderecherche@police.belgium.eu или на бесплатниот телефонски број 0800 30 300.

Свет | пред 1 месец

Европа на итен самит во Брисел: ЕУ-лидерите се собираат поради тензиите околу Гренланд

Лидерите на Европската унија и на земјите членки утре навечер ќе се сретнат во Брисел на неформален состанок на Европскиот совет, поради зголемените тензии поврзани со Гренланд.„Ќе разговараме за најновите случувања во трансатлантските односи и нивните импликации врз Европската унија, како и за координација на натамошните чекори. Состанокот ќе го започнеме со размена на мислења со претседателката на Европскиот парламент“, напиша претседателот на Европскиот совет, Антонио Кошта, во писмото со кое ги повика учесниците.Состанокот е закажан да започне во 19 часот.Кошта пред два дена најави дека, поради тензиите околу Гренланд, во наредните денови ќе свика вонредна седница на Европскиот совет.„Со оглед на значењето на последните случувања и потребата од понатамошна координација, одлучив да свикам вонреден состанок на Европскиот совет во наредните денови“, напиша тој на социјалната мрежа Икс.Тој истакна и дека, по консултациите со земјите членки, е потврдено оти Европската унија е „единствена во поддршката и солидарноста со Данска и Гренланд“.

Свет | пред 1 месец

Вооружен напад во Брисел: Има мртви и ранети

Две лица се застрелани, а две тешко ранети синоќа во населбата во близина на јужната железничка станица во Брисел, соопшти денеска полицискиот портпарол.Истрелите биле испукани вечерва помеѓу по полноќ „околу кафуле“ во бриселскиот кварт Сен Жил, изјави истиот извор. Лицето или лицата осомничени за нападот се во бегство.Во нападот се ранети три лица, од кои две се во тешка состојба, додека состојбата на третото лице е стабилизирана, изјави портпаролот на полицијата.Округот беше идентификуван од властите оваа година како едно од жариштата за шверц на дрога во Брисел, меѓу вкупно 15 такви места од 19 општини во белгискиот главен град.Сепак, полицијата засега не го поврзува инцидентот со дрога.Обвинителството за тоа ќе проговори во текот на денешниот ден, изјави портпаролот на полицијата.Агенцијата Франс прес наведува дека во последните неколку години, Белгија бележи зголемување на вооруженото насилство поврзано со ривалството меѓу дилерите на дрога.Вооружени судири на улиците се водат во Брисел и Антверпен, чие пристаниште стана главна точка каде нелегалниот кокаин од Јужна Америка влегува во Европа.

Свет | пред 1 година

ЕУ: Несреќен настап на новата претседателка Сиљановска-Давкова

Брисел бара од Македонија почитување на Договорите со Грција и со Бугарија.“Очекуваме и се радуваме на заедничка соработка со избраните претставници во Северна Македонија, и со новата влада и со претседателот, за да помогнеме земјата да напредува и да го испорача очекуваното што ЕУ го зададе во однос на пристапувањето на Северна Македонија”, изјави портпаролот на ЕК за надворешни работи и безбедносна политика, Петер Стано за како што го нарече, несреќниот настап кога новата македонска претседателка, Гордана Силјановска Давкова, не го кажа уставното име на државата за време на церемонијата на давање заклетва како претседател на државата.Тој потсети дека меѓународната заедница вчера имала изјава за несреќниот настап на новата претседателка која не го спомена уставното име на земјата при давањето заклетва.„Го видовте твитот на претседателката Фон дер Лајен, ја видовте нашата вчерашна изјава за несреќниот настап на новата претседателка која не го спомена уставното име на земјата во давањето заклетва. Она што се очекува од Северна Македонија беше многу јасно наведено во последниот извештај за проширувањето во кој пишува дека во делот на регионалната соработка земјата одржала добри односи со другите држави од процесот на проширување и го продолжила учество во регионална иницијативи, постоечките билатерални договори треба, во добра волја, да се имплементираат од сите страни, вклучувајќи го и Преспанскиот договор склучен меѓу Северна Македонија и Грција и Договорот за добрососедство и соработка со Бугарија, вклучувајќи ги и протоколите. Ова е очекувањето од ЕУ“, нагласи портпаролот Стано.

Македонија | пред 1 година

Усвоена декларација за нуклеарна енергија на самитот во Брисел

Во Брисел, на првиот самит за нуклеарна енергија, лидерите усвоија декларација за нуклеарната енергија.Во Брисел, на првиот самит за нуклеарна енергија, лидерите усвоија декларација со која се потврдува силната посветеност на нуклеарната енергија како клучна компонента на глобалната стратегија за намалување на емисиите на стакленички гасови од енергетскиот и индустрискиот сектор, обезбедување енергетска безбедност, зголемување на енергетската отпорност и промовирање на долгорочен одржлив развој и транзиција на чиста енергија.„Ние сме решени да направиме се што е во наша моќ за да ја исполниме оваа обврска преку нашиот активен и директен ангажман, особено преку зајакнување на соработката со земјите кои одлучија да развијат цивилни нуклеарни капацитети со цел да преминат од фосилни горива, на фер, уреден и правичен начин. начин и да придонесе за забрзување на фазата на јаглен преку обезбедување алтернативен и одржлив извор на енергија без јаглерод“, се наведува во декларацијата до која Танјуг имал пристап.Се нагласува дека климатските промени претставуваат егзистенцијална закана за планетата и целото човештво.„Предупредувачките знаци се зголемуваат низ светот, од беснее шумски пожари до историски поплави, што ја прави потребата за постигнување глобални нето емисии на стакленички гасови до средината на 21 век сè поитна, имајќи го предвид принципот на споделени, но диференцирани одговорности. Се поголем број на земјите ги поставуваат своите цели за климатска неутралност, неутралност на јаглеродот, неутралност на стакленички гасови или нето нула емисии. Амбициозната цел на глобалните нето нула емисии бара сеопфатен пристап за радикално намалување на емисиите на јаглерод во секторите со најинтензивни емисии во светот, вклучително и производство на електрична енергија , транспорт и индустрија“, посочува тој во декларацијата.

Свет | пред 1 година

(Видео) Хаос во Брисел, земјоделците палеле гуми, ја пробиле полициската блокада: Градот гори додека министрите на ЕУ се на состанок

Земјоделците запалија купишта стари гуми во Брисел во понеделникот во знак на протест, барајќи решение од ЕУ за договори за слободна трговија, додека министрите за земјоделство се собраа да разговараат за кризата во овој сектор.Итната полиција употреби водени топови за да го изгасне пламенот, но и земјоделците ги пробија полициските блокади.Над 100 трактори беа паркирани околу седиштето на институциите на Европската унија, на кратко растојание од затворениот простор каде министрите пристигнуваа на средбата.Земјоделците ширум Европа организираа неколкунеделни протести барајќи акција од политичарите.Локалните проблеми на земјоделците се различни. Но, Морган Оди, генерален координатор на земјоделската организација La Via Campesina, рече дека за повеќето земјоделци „се работи за приход“.

Свет | пред 1 година