Две жени на возраст од 62 и 56 години побарале лекарска помош во Итната медицинска служба во Кавадарци, каде биле третирани под сомнеж за труење со заостанати велигденски јајца.
Како што изјави Антоан Паракеов, началник на службата, едната пациентка била задржана на болничко лекување, додека другата, по неколкучасовно следење, побарала да биде пуштена дома, наведувајќи дека се чувствува подобро.
Според Ратко Грков, и во неговата смена биле евидентирани пациенти со полесни симптоми на труење, кои изјавиле дека претходно консумирале велигденски јајца.
Лекарите апелираат граѓаните да бидат внимателни при консумирање на преостаната храна од празниците, со цел да се избегнат можни здравствени последици.
