Двегодишно дете од Куманово се затруло со разредувач за боја

Нов случај на труење на малолетно дете е евидентиран во Куманово, откако двегодишно дете било хоспитализирано по контакт со средство за разредување боја.

— реклама —

Според информациите од Министерството за внатрешни работи, вчера околу 14:00 часот во СВР Куманово од Општата болница Куманово било пријавено дека кај нив е донесено двегодишно дете од Куманово кое било затруено со средство за разредување на боја.

— реклама —

По укажаната лекарска помош, детето било пренесено во Комплексот клиники „Мајка Тереза“ во Скопје за понатамошно лекување.

— реклама —

Полицијата презема мерки за целосно расчистување на случајот.

— реклама —

Ова не е прв ваков инцидент во кумановскиот регион. Во текот на минатата година беа регистрирани повеќе случаи на труење на деца, при што дел од нив испиле средства за чистење и дезинфекција, а други проголтале таблети.