Еди Рама: Никој не знае кога Албанија ќе стане членка на ЕУ

Албанскиот премиер Еди Рама на духовит начин одговори на прашање за тоа кога Албанија ќе стане членка на Европската Унија, нагласувајќи ја неизвесноста што го следи процесот на проширување на Унијата.

— реклама —

На новинарско прашање „Кога Албанија ќе се приклучи кон Европската Унија?“, Рама кусо одговори:

— реклама —

„Постојат три работи што не можат да се предвидат: Бог, сексот и Европската Унија.“

— реклама —

Неговата изјава предизвика внимание во јавноста и беше сфатена како коментар за сложените и често непредвидливи процедури што ги следат земјите кандидати на патот кон полноправно членство во ЕУ.

— реклама —

Албанија доби статус на земја кандидат во 2014 година, а пристапните преговори со Европската Унија формално ги започна во 2022 година. И покрај напредокот во евроинтегративниот процес, засега нема конкретен датум за нејзиното приклучување кон Унијата.