Непријатните мириси во фрижидерот се чест проблем во многу домаќинства, особено кога во него се чуваат различни видови храна, како кромид, риба или остатоци од оброци. Сепак, постои едноставен трик кој може да помогне во нивното неутрализирање.
Според советите за одржување на домаќинството, обично парче креда може да биде ефикасно средство за впивање на влагата и непријатните мириси во фрижидерот.
Доволно е да поставите едно парче креда на некоја од полиците во фрижидерот. Благодарение на својата структура, кредата ја впива вишокот влага, која често придонесува за создавање непријатни мириси и развој на бактерии и мувла.
Освен што може да помогне во освежувањето на внатрешноста на фрижидерот, кредата може да придонесе и за подобро зачувување на овошјето и зеленчукот, особено кај намирниците на кои не им одговара зголемена влажност.
За подолготраен ефект, се препорачува неколку парчиња креда да се стават во хартиена кеса и да се остават на долната полица од фрижидерот.
Иако овој трик не може да ја замени редовната хигиена и чистење на фрижидерот, може да биде практично и евтино решение за одржување на свежината и намалување на непријатните мириси.
