КУЈНА

Мислите дека кујната ви е чиста? Оваа навика шири најмногу бактерии

Иако многумина мислат дека најмногу бактерии во кујната се кријат во влажните сунѓери или кантите за отпадоци, ново истражување покажува дека главниот преносител на микроби е – човекот.Според експертите, луѓето несвесно ги шират бактериите преку секојдневни навики, допирајќи различни површини додека готват.На пример, ако некој допре пакување сурово месо, а потоа ја отвори вратата од фрижидерот или земе чиста чинија, бактериите лесно се пренесуваат на повеќе места во кујната.Истражувачите предупредуваат дека токму рачките од шкафовите, фрижидерот, славините и прекинувачите се меѓу најконтаминираните површини, бидејќи постојано се допираат, а ретко се чистат.За да се намали ризикот од ширење бактерии, експертите советуваат почесто миење раце, редовно чистење на површините што често се допираат и строго одвојување на суровата и готовата храна.Посебно се препорачува даските, ножевите и кујнските крпи што биле во контакт со сурово месо веднаш да се измијат или заменат.

Магазин | пред 1 седмица

Четири кујнски помагала што навистина вредат да ги имате дома

Иако многу кујнски уреди денес изгледаат непотребни и само зафаќаат простор, постојат неколку помагала што навистина можат да заштедат време и да го олеснат готвењето.Меѓу најкорисните се издвојува дигиталниот термометар за месо, кој овозможува прецизно мерење на температурата и помага храната да биде безбедно и правилно зготвена.Сѐ попопуларен е и распрскувачот за масло, кој претставува поздрава и попрактична алтернатива на готовите спрејови за готвење.За љубителите на тенко сечен зеленчук и домашен чипс, мандолината е едно од најпрактичните кујнски помагала, бидејќи овозможува брзо и рамномерно сечење.На листата се наоѓа и рачниот стапчест блендер, кој е идеален за подготовка на супи, сосови, смути и помали порции директно во садот за готвење.Според експертите, овие уреди не само што штедат време, туку и значително го олеснуваат секојдневното готвење.

Магазин | пред 1 седмица

Ученици од ООУ „Димо Хаџи Димов“се пожалиле на стомачни болки, кујната е затворена: Инспектори на АХВ вршат вонреден надзор

Инспектори од Агенцијата за храна и ветеринарство утрово излегоа на терен во ООУ „Димо Хаџи Димов“, откако училиштето пријавило дека повеќе ученици се пожалиле на стомачни проблеми. Во контролата се вклучени и екипи од Државниот санитарен и здравствен инспекторат, Институтот за јавно здравје и Центарот за јавно здравје.Кујната што го снабдува училиштето со храна е привремено затворена додека траат проверките за да се утврди дали станува збор за можно труење.Од АХВ ја пренесуваат следната информација:„Согласно Националниот протокол за постапување при сомнеж за труење со храна, ќе се спроведе епидемиолошка анкета и земени ќе бидат мостри од инкриминирана храна, работни површини и прибор и машини за лабораториско тестирање“, информираат од АХВ.По завршувањето на сите анализи и контролни активности, институциите најавуваат дека јавноста ќе биде навремено информирана за резултатите и за мерките што ќе бидат преземени.

Скопје | пред 6 месеци