Еколошка катастрофа во Албанија: Тони риби угинаа во акумулацијата Кашњети

Еколошка катастрофа е регистрирана во градот Љушња во Албанија, каде што тони риби угинале во акумулацијата Кашњети, која била испразнета поради реконструкција.

— реклама —

Теренот околу акумулацијата е прекриен со кал, додека во околината се шири непријатна миризба поради големото количество угинати риби што останале на површината на вештачкото езеро.

— реклама —

Во расчистувањето на теренот се вклучила и албанската војска. Со дронови се врши дезинфекција на површината на водата, со цел да се спречи евентуално ширење на болести.

— реклама —

Албанската полиција, во меѓувреме, покренала истрага против 58-годишниот Фреди Мара, управител на компанијата ангажирана за санација на браната.

— реклама —

Според полицијата, компанијата не презела соодветни мерки за управување со водите за време на градежните работи. Истрагата опфаќа и сомнежи за оштетување на живеалиштата, како и загадување на воздухот, водата и почвата.