Експлодираше цистерна со гориво во западен Иран, загинаа 10 лица

Десет лица загинаа, а шестмина се повредени во тешка сообраќајна несреќа во западен Иран, по која експлодирала цистерна со гориво.

— реклама —

— реклама —

Несреќата се случила на автопатот Хамедан–Санандаџ. Според изјавата на гувернерот на Санандаџ, цистерната учествувала во судирот поради технички дефект на системот за сопирање, по што избувнал пожар и дошло до експлозија.

— реклама —

Пожарот во меѓувреме бил ставен под контрола, соопштил гувернерот. Во несреќата животот го загубиле 10 лица, додека шестмина биле повредени.