Експлозија на гас во Русија: Едно лице загина, седум се повредени

Едно лице загина, а седум се повредени во експлозија на гас што се случи во катна станбена зграда во рускиот град Стерлитамак, соопшти денеска градската управа.

— реклама —

Експлозијата се случила во стан на вториот кат поради невнимателно ракување со гасот за домаќинството, соопштија официјални лица, пренесе РИА Новости.

— реклама —

— реклама —

Меѓу седумте повредени има и две деца, како и двајца вработени во компанијата за гас.

— реклама —

Службите за итни случаи и спасувачките екипи се на лице место. Како што покажа прелиминарната истрага, експлозијата се случила при работа на поправка на опрема за испорака на гас.