Најмалку 14 случаи на легионерска болест се пријавени во централна Флорида, а Државниот здравствен департмент соопшти дека епидемијата потенцијално е поврзана со теретана, пренесува АБЦ.
Иако во писмото до државниот сенатор Карлос Гијермо Смит не е наведен конкретниот објект, американските медиуми јавуваат дека членови на „Crunch Fitness“ во Окои, близу Орландо, пријавиле симптоми на болеста.
Од теретаната соопштиле дека целосно соработуваат со здравствените власти. Дел од објектот е привремено затворен, а во тек се тестирања на системите за базените и спа-делот „од претпазливост“.
Легионерската болест е сериозна бактериска инфекција која најчесто се поврзува со контаминирани водоводни системи, а може да предизвика тешка пневмонија.
