Ердоган: Ќе направиме сѐ за никогаш да не се повтори Сребреница

Турскиот претседател Реџеп Таип Ердоган изјави дека Турција ќе направи сѐ што е во нејзина моќ за никогаш да не се повтори страдањето какво што се случи во Сребреница. Тој порача дека Анкара ќе продолжи активно да го поддржува мирот, стабилноста и соживотот во Босна и Херцеговина.

— реклама —

Обраќајќи се по седницата на турската Влада во Анкара, Ердоган истакна дека Турција ќе остане посветена на изградба на стабилна и просперитетна Босна и Херцеговина, во која луѓето од различни вери, култури и етнички заедници ќе живеат заедно во мир.

— реклама —

Тој се осврна и на самитот на НАТО, одржан на 7 и 8 јули во Анкара, оценувајќи дека Турција со неговата успешна организација дополнително го зацврстила својот меѓународен углед.

— реклама —

Според Ердоган, станува збор за еден од најследените самити на Алијансата, што, како што рече, ја потврдува силата на турската дипломатска традиција.

— реклама —

Тој додаде дека во период на големи глобални промени, Анкара станала еден од главните центри на светската дипломатија.