ЕУ испраќа 2 милиони евра помош за Колумбија по разорниот земјотрес

Европската Унија ќе обезбеди два милиони евра помош за Колумбија по разорниот земјотрес што ја погоди земјата во неделата, најави претседателката на Европската комисија, Урсула фон дер Лајен.

— реклама —

„Додека операциите за пребарување и спасување продолжуваат, ЕУ ѝ помага на Колумбија со сите расположливи средства“, порача фон дер Лајен.

— реклама —

Колумбија побара меѓународна помош преку Механизмот на ЕУ за цивилна заштита, преку кој се координира поддршката од сите 27 земји членки. Европската Унија го активираше и сателитскиот систем „Коперник“, чија задача е да обезбеди мапирање на погодените подрачја и да им помогне на спасувачките екипи.

Земјотресот со магнитуда од 7,4 се смета за најсилниот регистриран во историјата на Колумбија. Според досегашните податоци, загинале најмалку 216 лица, а стотици се повредени.

— реклама —

Најтешко погодени се градовите Кали, Переира, Манизалес и Кибдо, каде што спасувачките екипи продолжуваат со потрагата по преживеани под урнатините.

— реклама —

Поддршка за Колумбија веднаш по земјотресот изрази и претседателката на Европскиот парламент, Роберта Мецола, која порача дека Европа е со народот на Колумбија.