ЕУ подготвува мерки против евтиниот увоз што ја загрозува европската индустрија

Европската комисија подготвува нови мерки за заштита на европската индустрија од нелојална конкуренција и увоз на стоки по дампинг-цени. Претседателката на Комисијата, Урсула фон дер Лајен, најави дека ќе биде предложен механизам со кој земјите членки ќе можат брзо да го ограничат пристапот до единствениот пазар при нагло зголемување на евтиниот увоз што ја загрозува европската индустрија.

— реклама —

„Конкурентноста зависи од тоа дали нашите компании можат да се натпреваруваат под фер услови на глобално ниво“, изјави фон дер Лајен во Европскиот парламент.

— реклама —

— реклама —

Комисијата ќе предложи и пакет за солидарност наменет за земјите што се соочуваат со конкретни трговски закани.

„Во свет во кој економската моќ сè почесто се користи како оружје, Европа мора да ја искористи својата економска сила за заеднички да ги одбрани своите интереси“, порача претседателката на Европската комисија.