Европската Унија губи 500 милиони евра дневно поради војната со Иран

Ескалацијата на тензиите на Блискиот Исток носи сериозни економски последици за европските земји, кои се соочуваат со нагло зголемени трошоци за енергенси. Според проценките на Европската комисија, дополнителните издатоци за увоз на фосилни горива достигнуваат стотици милиони евра на дневно ниво.

— реклама —

Во обраќање пред Европскиот парламент, претседателката на Европската комисија Урсула фон дер Лајен нагласи дека во рок од само два месеца, Унијата значително ја зголемила потрошувачката за енергетски увоз, без притоа да обезбеди дополнителни количини енергија.

— реклама —

,,За само 60 дена конфликт, сметката за увоз на фосилни горива се зголеми за повеќе од 27 милијарди евра, без ниту една дополнителна молекула енергија”, изјави Урсула фон дер Лајен.

Таа предупреди дека ваквата состојба не е одржлива на долг рок и бара итен одговор

— реклама —

„Нашиот пат е јасен. Мораме да ја намалиме прекумерната зависност од увезените фосилни горива и да го зголемиме сопственото, прифатливо и чисто производство на енергија. Од обновливи извори до нуклеарна енергија, со целосно почитување на технолошката неутралност“, рече Фон дер Лајен.

Европската комисија подготвува нов акциски план за електрификација, кој ќе биде претставен во јуни. Планот ќе вклучува конкретни чекори за модернизација на енергетската инфраструктура, подобра координација меѓу земјите-членки и зајакнување на отпорноста на енергетскиот систем во услови на глобални кризи.