Турскиот државјанин Е.Б. (35) е лишен од слобода на Граничниот премин Богородица, откако при гранична контрола било утврдено дека приложил фалсификувана зелена карта за товарно возило.
Како што информира Министерството за внатрешни работи, случајот бил откриен на 15 јули 2026 година околу 08:30 часот, при влез во државата. Е.Б. управувал товарно возило „рено“ со турски регистарски ознаки и полуприколка, а при проверката било констатирано дека зелената карта што ја приложил е фалсификувана.
За случајот бил известен јавен обвинител од Основното јавно обвинителство Гевгелија, а против Е.Б. по итна постапка е поднесена кривична пријава поради сомнение за сторено кривично дело „фалсификување исправа“ согласно член 378 од Кривичниот законик.
