Ферати: Целта ни е да го решиме проблемот со вработените со договор и да го заштитиме нивното достоинство

Mинистерот за односи меѓу заедниците, Агон Ферати, соопшти дека во собраниска процедура ќе биде предлог-законот со кој се предвидува решавање на статусот на вработените со договор во администрацијата, овозможувајќи им засновање работен однос на неопределено време.

— реклама —

Ферати истакна дека по решавањето на прашањето за вработените со договор во здравствените установи, заложбите ќе продолжат и за другите категории вработени кои со години се соочуваат со овој проблем.

— реклама —

„Во собраниска процедура ќе биде предлог-законот за решавање на прашањето на вработените со договор во администрацијата, со цел да се обезбеди трајно решение за нивниот работен статус“, изјави Ферати.

— реклама —

Според него, целта на овој предлог-закон е да се реши проблемот со несигурното вработување и да се спречи нарушувањето на достоинството и правата на вработените од страна на раководителите на институциите.

Ферати додаде дека коалицијата ќе се заложи за целосна примена на законот, со цел успешно решавање на ова прашање.