Филипче: Барам извинување од Мицкоски и ВМРО за граѓаните на Македонија

Претседателот на СДСМ, Венко Филипче, на прес-конференција побара извинување од Христијан Мицкоски и ВМРО-ДПМНЕ за, како што рече, „години лаги и токсични поделби во општеството“.

— реклама —

Филипче оцени дека ВМРО-ДПМНЕ ги добило изборите со, како што наведе, „лажна теза“ дека СДСМ е предавничка партија поради Преспански договор. Тој посочи дека денес претставници на власта јавно признаваат дека договорот го заштитува македонскиот идентитет и носи придобивки за државата.

— реклама —

„Преспанскиот договор нема ништо што го загрозува нашиот национален идентитет. Напротив, го зајакнува“, изјави Филипче.

Тој нагласи дека благодарение на договорот државата станала полноправна членка на НАТО и добила перспектива за членство во Европска Унија.

— реклама —

Во обраќањето, лидерот на СДСМ порача дека внесувањето на малцинствата во Уставот не претставува ризик за идентитетот, туку, според него, прави јасна разлика меѓу македонскиот народ и малцинските заедници.

— реклама —

Филипче ја обвини власта дека се обидува да го закочи европскиот пат на државата за да ги заштити сопствените политички и бизнис интереси, додавајќи дека „Европа носи независни институции, независно судство и европско обвинителство“.