„Филипче да му пренесе на Радев, без гаранции и без испорака од Бугарија, уставни измени нема да има“, вели ВМРО-ДПМНЕ

ВМРО-ДПМНЕ преку соопштение повторно го критикуваше лидерот на СДСМ, Венко Филипче, обвинувајќи го дека се залага за спроведување на уставни измени без претходно обезбедени гаранции од Европската Унија.

— реклама —

Од владејачката партија велат дека Филипче ја продолжува политиката на поранешното раководство на СДСМ, предводено од Зоран Заев, која, според нив, довела до отстапки без соодветни гаранции за напредок на државата во евроинтегративниот процес.

— реклама —

Во соопштението се наведува дека Македонија нема да прифати нови уставни измени без јасни и цврсти гаранции од Европската Унија, како и без исполнување на обврските од страна на Бугарија, вклучително и спроведување на пресудите од Европскиот суд за човекови права во Стразбур.

— реклама —

„Филипче, како што го нарекуваат специјален пратеник на Бугарија во Македонија, треба да му пренесе на Радев дека без гаранции уставни измени нема да има и дека Македонија очекува испорака на пресудите од Стразбур“, се наведува во реакцијата на ВМРО-ДПМНЕ.

— реклама —

Од партијата додаваат дека Владата нема да дозволи нови национални отстапки сѐ додека не бидат обезбедени конкретни гаранции за евроинтегративниот процес и заштита на државните интереси.