„Филипче да престане да работи против македонските национални интереси“, велат од ВМРО-ДПМНЕ

Преку соопштение, ВМРО-ДПМНЕ упати критики кон претседателот на СДСМ, Венко Филипче, обвинувајќи го дека не ги брани македонските позиции и дека настапува во согласност со ставовите на официјална Софија.

— реклама —

Од владејачката партија тврдат дека Филипче ги поддржува политиките кои, според нив, бараат нови отстапки од Македонија без јасни гаранции за напредок во евроинтегративниот процес.

„СДС и Венко Филипче не нудат визија, план или решенија. Нивната политика се сведува на безусловно прифаќање на барањата што доаѓаат однадвор, без доволна грижа за државните интереси“, наведуваат од ВМРО-ДПМНЕ.

— реклама —

Во реакцијата се посочува дека Македонија се соочува со предизвици поврзани со националниот идентитет, јазикот и историјата, а според партијата, Филипче не се залага за подобра преговарачка позиција на државата.

— реклама —

Од ВМРО-ДПМНЕ оценуваат дека јавните настапи на лидерот на СДСМ се насочени кон политичка промоција, наместо кон заштита на националните интереси.

„Македонија нема да оди напред преку понижувања, уцени и национални отстапки. Напредокот е можен само преку политики што ги штитат државните и националните интереси“, се наведува во соопштението.

— реклама —

Од партијата додаваат дека остануваат посветени на европската интеграција на земјата, но сметаат дека процесот треба да биде кредибилен, предвидлив и заснован на јасни принципи.