ВМРО-ДПМНЕ преку соопштение реагираше на ставовите на претседателот на СДСМ, Венко Филипче, наведувајќи дека институциите постапуваат врз основа на факти и докази, а не, како што велат, според политички квалификации и чувства.
Од партијата посочуваат дека досега се приведени три лица во врска со случајот со загадената вода, дека е изготвена детална анализа за начинот и причините за загадувањето и дека институциите целосно се ангажирани во истрагата.
Во реакцијата, ВМРО-ДПМНЕ упатува критики кон Филипче и за неговиот мандат како министер за здравство, споменувајќи го пожарот во модуларната болница во Тетово и управувањето со ковид-пандемијата, како и обвинувања поврзани со набавката на вакцини.
Партијата во соопштението наведува и дека Филипче не треба да ја политизира работата на институциите и упатува критики и кон неговата актуелна политичка улога во СДСМ.
