Претседателот на СДСМ, Венко Филипче, преку објава на социјалната мрежа Икс порача дека секогаш ја поддржува младоста и студентите.
Во објавата, Филипче упати критики кон ВМРО-ДПМНЕ, обвинувајќи ја партијата дека ја поддржува својата „сестринска партија“ Српска напредна странка и српскиот претседател Александар Вучиќ.
„Додека криминална група ВМРО ја поддржува својата сестринска партија СНС и својот ‘брат’ автократ Вучиќ, додека Мицкоски и Стоилковиќ организираат митинзи за него во Куманово. Јас како професор и како човек ќе кажам само едно: Секогаш ја поддржувам младоста и иднината. Студентите победуваат!“, напиша Филипче.
Објавата доаѓа во период на засилени политички препукувања меѓу власта и опозицијата околу регионалните политички случувања и студентските движења во Србија.
