Филипче: Кога граѓаните ги отворат празните фрижидери и паричници знаат колку сме „трета економија“ во Европа

Лидерот на СДСМ, Венко Филипче, преку објава на социјалната мрежа Икс упати критики до Владата, оценувајќи дека економската состојба на граѓаните е далеку од она што се прикажува во јавноста.

— реклама —

Според него, граѓаните најдобро ја чувствуваат реалноста преку сопствениот животен стандард.

„Граѓаните знаат дека во времето на СДСМ имаше постојано зголемување на платите и пензиите. Минималната плата ја зголемивме за 150%, просечната плата за 75%, социјалната помош за 300%, пензиите за 40%. Парите завршуваа кај граѓаните“, наведува Филипче.

— реклама —

Тој додава дека сегашната економска состојба е значително полоша и дека тоа, како што вели, секојдневно го чувствуваат граѓаните.

— реклама —

„Но сега, кога граѓаните ќе го отворат фрижидерот дома и кога ќе погледнат во паричникот, јасно гледаат каков е вистинскиот стандард со оваа власт. Народот никогаш не живеел полошо“, посочува Филипче.

Во објавата, тој се осврнува и на изјавите на премиерот, според кои Македонија е „трета економија во Европа“, оценувајќи дека таквите тврдења не се совпаѓаат со реалноста.

— реклама —

„Мицкоски сака да нè убеди дека сме ‘трета економија во Европа’… па тоа баш го гледаат граѓаните“, наведува Филипче.