Филипче: Нема договор со власта, единствениот е со членовите на СДСМ

Претседателот на СДСМ, д-р Венко Филипче, изјави дека нема никаков договор со власта, туку единствениот договор што го има е со членовите на партијата – за, како што рече, борба против криминалната власт и за европска иднина на државата.

— реклама —

Одговарајќи на новинарско прашање, Филипче посочи дека е изложен на, како што наведе, секојдневни медиумски напади и дискредитации.

— реклама —

„Ме прашувате за некаков договор. Гледате што ми прават секој ден – ме напаѓаат медиумски, ме споредуваат со убиец на деца, тврдат дека сум бил наркоман, ме поврзуваат со златни визи во Дубаи. Така ли изгледа договор? Нема апсолутно никаков договор“, изјави Филипче.

— реклама —

Тој нагласи дека неговиот единствен договор е со членовите на СДСМ.

— реклама —

„Имам договор со членовите на СДСМ дека ќе се бориме за европска и просперитетна Македонија и дека ќе се пресметаме со оваа криминална власт. Само тој договор постои и сите што се сега на власт ќе одговараат за тоа што го прават“, рече Филипче.