„Филипче бара утеха во четвртото место“ – ВМРО-ДПМНЕ ја обвини СДСМ дека слави пораз

ВМРО-ДПМНЕ упати критики кон лидерот на СДСМ, Венко Филипче, обвинувајќи го дека се обидува да го претстави изборниот резултат во Брвеница како успех, иако, според владејачката партија, СДСМ завршила на четвртото место.

— реклама —

„Филипче и СДС се обидуваат да најдат утеха во пласманот на четвртото место. СДС со Филипче се сведе на рејтинг од 5% и се радува на поразот од 4 спрема 1 од ВМРО-ДПМНЕ на локалните избори во Брвеница“, се наведува во партиското соопштение.

— реклама —

Од ВМРО-ДПМНЕ тврдат дека СДСМ под водство на Филипче доживеала политички дебакл, посочувајќи дека партијата е четврта политичка сила во Куманово и Брвеница, а петта во Скопје.

Според ВМРО-ДПМНЕ, ваквите резултати покажуваат дека СДСМ нема политичка визија и убедлива понуда со која би се наметнала како алтернатива пред граѓаните.

— реклама —

„Филипче под менторство на Заев ја претвори СДС во партија која се радува на порази“, обвинуваат од ВМРО-ДПМНЕ.

Во соопштението, партијата иронично им посакува на Филипче и СДСМ уште многу вакви „успеси“, односно четврти и петти места и, како што наведуваат, сè помала поддршка од граѓаните.