„Филипче од Егејот каде се луксузира на јахтата на својот ментор Заев координира напади и шири дезинформации за водата во Скопје“, вели ВМРО-ДПМНЕ

ВМРО-ДПМНЕ преку соопштение обвини дека лидерот на СДСМ, Венко Филипче, од одмор во Грција координирал партиски активности поврзани со ширење, како што тврдат од партијата, лажни информации за квалитетот на водата во Скопје.

— реклама —

Од ВМРО-ДПМНЕ тврдат дека Филипче преку партиски членови давал инструкции за ширење дезинформации на социјалните мрежи со цел да се создадат паника и вознемиреност кај граѓаните.

„Филипче од луксузната јахта на својот ментор Заев координира напади и дава инструкции на партиските послушници од СДС да шират дезинформации на социјалните мрежи за наводно загадена вода во Скопје“, наведуваат од ВМРО-ДПМНЕ.

— реклама —

Партијата тврди дека Филипче на 6 август ја напуштил земјата преку граничниот премин Богородица и дека од одмор продолжил да ги координира активностите на СДСМ.

— реклама —

Во реакцијата се упатуваат и обвинувања за наводно политичко влијание врз протестите на земјоделците во Струмичко, како и за откупните цени на земјоделските производи.

Од ВМРО-ДПМНЕ, истовремено, уверуваат дека водата во Скопје е безбедна за пиење и го повикаа СДСМ да не го користи прашањето со водоснабдувањето за политички цели.

— реклама —

Тврдењата за наводно загадување на водата претходно беа демантирани од надлежните институции, кои соопштија дека резултатите од испитувањата покажуваат дека водата ги исполнува условите за безбедност и квалитет.