„Филипче уценет и исплашен, му должи на Зоран Заев, му должи и на Румен Радев па западна во специфична психолошка состојба“, вели ВМРО-ДПМНЕ

ВМРО-ДПМНЕ преку соопштение упати остри критики кон лидерот на СДСМ Венко Филипче, обвинувајќи го дека е под притисок и дека презел обврски кон поранешниот премиер Зоран Заев и кон бугарскиот претседател Румен Радев.

Од партијата тврдат дека Филипче поради односот кон Заев ја претворил СДСМ во, како што велат, маргинална партија со внатрешни поделби, меѓусебни обвинувања и јавни пресметки.

— реклама —

Во однос на Бугарија, ВМРО-ДПМНЕ го посочува ставот на Филипче дека најпрво треба Бугарите да влезат во Уставот, а потоа да следуваат другите чекори. Од партијата оценуваат дека ваквиот став е на иста линија со политиката на Бугарија и со ставовите на Радев.

— реклама —

„Неговиот став ‘прво Бугарите во Уставот, па потоа сè друго’ е ист како и бугарската политика спрема Македонија“, наведуваат од ВМРО-ДПМНЕ.

Од партијата додаваат дека и ставот оти за билатералните прашања и спорот со Бугарија треба да се разговара со Европската Унија, а не директно со Бугарија, според нив, е во согласност со бугарските позиции.

— реклама —

ВМРО-ДПМНЕ ги поврзува и последните јавни настапи на Филипче со своите тврдења за неговата политичка позиција, наведувајќи дека тој, како што велат, се наоѓа меѓу односот кон Заев и обврските што наводно ги презел кон Радев.

Од партијата се осврнаа и на начинот на кој Филипче комуницира во јавноста, посочувајќи ги неговите навреди кон политички противници и користењето квалификации како „идиот“ и „шлепер-жаба“.

ВМРО-ДПМНЕ во соопштението заклучува дека ваквото однесување го гледа со „жалење и сочувство“ и му препорачува на Филипче да побара стручна медицинска помош.