(Фото) Австрија парализирана, паднаа 20 санетиметри снег: Лавина затрупа автобус со патници

Во Виена, за време на ноќта паднаа 20 сантиметри снег, што предизвика колапс во сообраќајот, а сите градски служби се во состојба на целосна подготвеност поради големиот број интервенции.

Најголеми проблеми се забележани на автопатиштата во источниот и јужниот дел на земјата. Стотици камиони останаа заглавени, а во Тирол лавина затрупа автобус со 11 патници. За среќа, никој не е повреден. Полицијата поради екстремните услови била принудена да го затвори виенскиот прстен во двата правци за време на ноќта, а чистењето сè уште трае.

— реклама —

— реклама —

На автопатот А1 кај Сент Полтен се преврте камион полн со терет, што предизвика блокада со часови. Во сообраќајни несреќи низ целата земја се регистрирани повеќе од 30 интервенции на итната помош, а две лица се тешко повредени.

— реклама —

— реклама —

Во јужна Австрија гранките под тежината на снегот паѓаат на далекуводи, поради што повеќе од 4.000 домаќинства останаа без струја, соопшти мрежата Netz NO.

Исто така, и аеродромот во Виена е блокиран. Над 200 работници и 100 возила се обидуваат да исчистат три милиони квадратни метри површина.