(Фото) Граната паднала во креветче на двегодишно дете во Украина

Во текот на нов руски напад врз Херсон, граната исфрлена од дрон паднала директно во детското креветче во кое спиело двегодишно момче. Проектилот не експлодирал, па детето, за среќа, останало неповредено, објави украинскиот портал „Censor.NET“, повикувајќи се на полицијата од Херсонската област.

— реклама —

Според полицијата, руските сили во текот на ноќта продолжиле со нападите врз цивилното население, при што во Херсон биле регистрирани повеќе удари со различни видови јуришни дронови.

— реклама —

Еден од дроновите бил насочен кон приватна семејна куќа во Централниот реон. Проектилот го пробил прозорецот од собата и паднал директно во креветчето каде што спиело двегодишното дете.

— реклама —

За среќа, гранатата не експлодирала. Мајката и детето веднаш биле пренесени во блиската болница, каде што лекарите утврдиле дека нивните животи не се загрозени и дека детето нема повреди.

Полицијата, заедно со волонтери, организира евакуација на семејството во друг, побезбеден град. Во меѓувреме, полициските службеници ја отстраниле експлозивната направа од детското креветче и го документирале случајот како дел од истрагата за нападите врз цивилното население во Херсон.