Хрватскиот град Омиш утрово осамна со тешки и потресни сцени по големиот пожар што во текот на ноќта беснееше на поширокото подрачје. Огнената стихија остави зад себе опустошени делови од градот, изгорени куќи и автомобили, како и уништени угостителски објекти и делови од плажите.
Фотографиите од теренот покажуваат големи материјални штети, со цели делови од погоденото подрачје претворени во пепел. Пожарот, кој брзо се ширел под влијание на силниот ветер, предизвикал евакуација на жители и туристи, додека пожарникарите во текот на целата ноќ се бореле да го стават под контрола.
Утрото откри размери на разурнувањето – изгорени возила, оштетени објекти и уништена вегетација. Зад пожарникарите остана тешка задача за локализирање на преостанатите жаришта и спречување на повторно разгорување на огнот.
