(Фото) Предупредување за сомнително лице во Хиподром, граѓаните повикуваат на внимателност

Уличното куче Душка, кое жителите на Хиподром го нарекуваат свој миленик и херој, вчера алармирало за сомнителна појава на патеката зад „Семенарство“, каде што во минатото неколкупати избувнувале пожари.

Според објавата на социјалните мрежи, Душка почувствувала дека во близина има некој што се крие и демне, по што се упатила да провери што се случува. Набргу потоа биле слушнати силен крик и повик за помош, а кучето било пронајдено како лежи во шок и не може да се движи.

— реклама —

— реклама —

Во објавата се изразува сомнеж дека лицето можеби користело рачен електричен шокер, но ова засега не е потврдено.

— реклама —

Жителите апелираат до сите што се движат по патеката зад „Семенарство“ во Хиподром, особено во ноќните часови, да бидат внимателни. Патеката ги поврзува Хиподром 1 и Хиподром 2, а по неа минуваат и деца.

Се посочува и дека на оваа локација често се паркираат возила, додека зелената површина сè повеќе се претвора во депонија.

„Како и да е, Душка е нашиот херој“, порачуваат во објавата.