Стефковски: бесплатен офталмолошки скрининг за сите ученици

Општина Гази Баба започна со спроведување на бесплатен и сеопфатен офталмолошки скрининг за сите ученици во општинските основни училишта. Проектот започна во ООУ „Крум Тошев“ во Трубарево, а во наредните денови ќе продолжи и во останатите училишта на територијата на општината.

— реклама —

Градоначалникот Бобан Стефковски информира дека целта е навремено откривање на проблемите со видот кај децата, што е особено важно за нивниот правилен развој, учењето и секојдневното функционирање.

— реклама —

— реклама —

Според најавата, со реализацијата на проектот Гази Баба станува прва општина во Македонија што организира ваков бесплатен скрининг за сите ученици во своите основни училишта.

— реклама —

Во проектот се вклучени „Промедика“ и „Систина Офталмологија“, на кои Стефковски им се заблагодари за поддршката и општествената одговорност.