стефковски

Стефковски: Ќе изградиме 40 детски забавни катчиња, и два адреналински паркови во Гази Баба

Бобан Стефковски, кандидат за градоначалник за општина „Гази Баба“ од редовите на ВМРО-ДПМНЕ, на денешниот митинг одржан во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, се обрати и истакна дел од реализираните проекти во изминатиот четиригодишен мандат.„Во изминативе четири години направивме многу. Реализиравме 670 нови проекти насекаде низ нашата Гази Баба, изградивме 32 километри нова мрежа на фекална канализација, градиме три нови детски градинки во Трубарево, Инџиково и Маџари, изградивме училишни спортски сали во Булачани и Стајковци, а градиме нова сала и во Црешево, градиме нова училишна зграда за ООУ Крсте Мисирков во Ченто и комплетно го реконструираме Домот 11 Октомври кој долги години беше ветуван и заборавен. Инвестираме и во спортот, животната средина, и социјалната заштита“, рече Стефковски.Стефковски наброи дел од проектите на изборната програма.„Во програмата се испишани реални проекти кои ќе го продолжат развојот во сите населени места низ општина Гази Баба. Во следните четири години: Ќе изградиме нови детски градинки во Керамидница, Хиподром 2 и Сингелиќ, ќе го реализираме проектот нула комуналии за изградба на куќи за млади брачни парови до 29 години, ќе изградиме училишни спортски сали во Железара, Сингелиќ, Страчинци и Ченто, ќе ги субвенционираме граѓаните за изградба на енергетско ефикасни фасади на зградите, ќе изградиме катни гаражи во Автокоманда и во Ченто, ќе отвориме дневен центар за деца и лица со попреченост, ќе изградиме затворен базен во Автокоманда, ќе ги реконструираме поголемите локални сообраќајници низ општината како што се Лазар Поп Трајков во Автокоманда, Анри Барбис и Карл Хрон во Триангла, Среќко Пужалка, Финска и Трајко Китанчев во Ченто, Пехчевска во Хиподром и многу други улици, ќе изградиме клучка кај Хиподром и ќе направиме комплетна реконструкција на регионалниот пат 1102, овие проекти ќе ги реализираме во соработка со Јавното претпријатие за Државни патишта, ќе изградиме 40 нови детски забавни катчиња, насекаде низ Гази Баба, ќе изградиме два адреналински паркови. Во мојот втор мандат Раштак, Булачани, Виниче, Брњарци и Ергеле ќе добијат фекална канализација, а комплетно ќе ја завршиме започнатата изградба на фекална канализација во Јурумлери, Идризово и Дрма, Чукур Маало и Гоце Делчев“, истакна Стефковски.На крај, Стефковски ги повика граѓаните да го направат вистинскиот избор, и да го заокружат бројот 9 за работа, сигурност и развој на општината.„Да излезете и да ја направите вистинската разлика. Не само за мене, туку за себе, за вашите деца, за иднината на Гази Баба. Да го заокружите бројот 9, затоа што тоа значи работа, сигурност и развој. Јас дадената доверба ќе ја оправдам со уште повеќе труд, уште поголема одговорност и уште поголема љубов кон овој народ“, дециден е Стефковски.

Македонија | пред 1 месец

Стефковски: Граѓаните на Гази Баба добиваат граѓански штаб, прва општина по транспарентност во скопскиот регион

Бобан Стефковски, кандидат за градоначалник на општина Гази Баба беше гостин во емисијата „За или против“ на телевизија Алфа. Стефковски зборуваше на темите за транспарентност и отчетност, проблемот со депонијата Вардариште, а го спомена и граѓанскиот штаб во Хиподром како отворено место за сите граѓани на општина Гази Баба.„Ова е резултат којшто искрено ме израдува мене, да се биде прва институција по транспарентност во скопскиот плански регион, според Центарот за граѓански комуникации, која што е независна и реномирана организација е сериозно признание“, рече Стефковски.Стефковски додаде дека тоа што општина Гази Баба е прва општина со 98% транспарентност и отченост, значи дека постои доверба меѓу граѓаните и институциите.„Докажавме дека може да се влее една заедничка одговорност меѓу локалната самоуправа и вработените и граѓаните. Ќе се трудам и понатаму да  ја продожиме таа транспарентност и отчетност, затоа што преку тоа граѓаните имаат увид каде се трошат нивните пари, на кој начин функционира општината и кои се приоритетни проекти што се реализираат“, кажа Стефковски.Стефковски посочи дека Гази Баба има граѓански штаб, за кој веќе имаше свечено отворање и е замислен како отворено место за сите граѓани, независно од нивната политичка определба. Како што вели тој, неговата цел е преку активности со невладини организации, културни и здравствени работници, како и спортски клубови, да се создаде простор за дијалог и соработка.„Лично сметам дека целта на овој граѓански штаб ни е многу јасна а тоа е да ги отвориме вратите за сите граѓани без разлика кој е политички активен и кој ја дал поддршката за мене или не ја дал. Покрај тоа што имаме партиски штабови во голем дел од население места, таму мооже да се приклучат и наши сопартијци, поддржувачи, симпатизери и обични граѓани. Овој граѓански штаб има за цел да ги отвори вратите за сите. Ќе имаме низа на активности со НВО, со културни работници, здравствени работници, спортски клубови. Веќе е направена соодветна програма. Веќе се остварени одредени комуникации. Тој се наоѓа во Хиподром на улица Благоја Стефковски, во зградите на поранешна млекара. Веќе имавме промотивно отворање. Го ценам она што тука веќе се работи за принципи и вредности. Овие 4 години покажавме сериозен напредок дека во Гази Баба може да се работи“, кажа Стефковски.Стефковски зборуваше и на темата за депонијата Вардариште и нагласи дека проблемот со Вардариште е заеднички предизвик за сите, вклучително и за него и неговото семејство.,,Се сочувствувам со проблемот со Вардариште, затоа што и јас живеам во Гази Баба моите деца живеат во Гази Баба, она што не тангира сите е проблемот со амбиенталниот воздух и проблемот со дивите депонии на кои што треба да им ставиме крај“, истакна Стефковски.Стефковски на оваа тема дополни дека, кандидатот на ВМРО-ДПМНЕ за градоначалник на Град Скопје, има план како да го реши овој проблем.Тој потсети  и на веќе познатите информации за ова прашање, нагласувајќи дека крајот на дивите депонии и подобрувањето на амбиенталниот воздух се приоритети од интерес на целата заедница.,,Ќе се отстрани делот на депонијата Вардариште, ќе се рекултивизира земјиштето со нова земја, плодна земја и потоа ќе се прават спортски терени, паркови итн“.

Скопје | пред 2 месеци

Стефковски: Потребно е итно решение за депонијата Вардариште

Градоначалникот на општина Гази Баба Бобан Стефковски заедно со заменик градоначалникот на Аеродром Дејан Митески, началникот на СВР Скопје Сашо Топаловски, командирот на полициската станица од општа надлежност Гази Баба Саше Стоилевски и припадници на МВР беа во посета на дивата депонија Вардариште.За посетата и заклучоците градоначалникот Стефковски информираше во својата објава:,,ПОТРЕБНО Е ИТНО РЕШЕНИЕ ЗА ДИВАТА ДЕПОНИЈА ВАРДАРИШТЕ!Заедно со заменик градоначалникот на Аеродром Дејан Митески, началникот на СВР Скопје Сашо Топаловски, командирот на полициската станица од општа надлежност Гази Баба Саше Стоилевски и припадници на МВР бевме во посета на дивата депонија Вардариште.Изминатиот период во неколку наврати сведоци сме на пожар на дивата депонија Вардарише кој покрај тоа што сериозно го загадува воздухот, претставува и сериозна опасност по безбедноста на жителите од овој дел на општина Гази Баба.Како при пожарот на 02.07.2024 година, така и при вчерашниот пожар имав постојана комуникација со институциите надлежни за постапување при вакви состојби, но и со голем број на жители од населеното место Кирил Петрушевски.Реакциите на граѓаните се оправдани, а нивните барања се мои барања!Ги прочитав сите коментари, објави и слично, но барам разбирање од граѓаните за ограничените надлежности за постапување кои ги имам јас како градоначалник, а и општина Гази Баба како локална самоуправа.Општо познато е дека дивата депонија Вардариште е во целосна надлежност на Градот Скопје за што апелирам и барам од градоначалничката Данела Арсовска да издаде задолженија за реализација на своите надлежности.Согласно моите надлежности ги задолжив:1.Секторот за инспекциски работи да продолжи да работи во две смени со зголемување на работното време во втората смена до 22:00 часот;2.Секторот за инспекциски работи задолжително во текот на работното време и во втората смена да врши постојан надзор на дивата депонија Вардариште;3.Секторот за инспекциски работи и Секторот за правни работи во текот на денешниот ден да изготват и до Основното јавно обвинителство Скопје да поднесат Иницијатива за покренување на кривична постапка против непознат сторител за загадување на амбиенталниот воздух, а очекувам Обвинителството преку превземање на истражни дејствија да дојде до сторителите и истите да бидат најстрого санкционирани;4.Во текот на денешниот ден ќе биде испратено барање за постапување до инспекторатот при Градот Скопје во кое ќе побараме постојано дежурство на депонијата Вардариште и од нивна страна;За многу скоро ќе започнат заедничките вонредни патроли на депонијата и околу неа во чии состав ќе бидат припадници на МВР и инспектори од општинската администрација.Толеранција нема да има за никого! Оној за кого ќе се обезбедат докази дека е сторител на дело ќе биде најстрого санкциониран.Ги уверувам граѓаните дека мојата поддршка за решавање на овој горлив проблем ја имале, ја имаат и ќе ја имаат.Лично ќе ја следам реализацијата на задолженијата од денешниот состанок и очекувам нивното исполнување да донесе резултати.Решение за дивата депонија Вардариште мора да има!”, напиша Стефковски.

Скопје | пред 1 година

Нема фотографија

Стефковски: Изградена е карабината, Булачани добива училишна сала по 60 години

Градоначалникот на општина Гази Баба Бобан Стефковски направи увид на градежните работи за изградба на новата училишна сала во Булачани.За посетата, градоначалникот Стефковски објави на својата официјална страна на фејсбук на која напиша:Завршува првата фаза од изградбата на новата училишна сала во Булачани! Направивме увид на градежните работи на новата училишна сала во општинското основно училиште Наум Охридски во Булачани. Она што го констатиравме е дека завршува првата фаза од изградбата во која целосно е изградена карабината на салата. Дополнително во тек е изборот на економски оператор кој ќе ја реализира втората фаза со која комплетно ќе се заврши изградбата и ќе се набави потребната опрема. Силно верувам дека ќе успееме на почетокот на новата учебна година да ја пуштиме во употреба новата сала која се гради по 60 години од постоењето на училиштето. Ова е време на големи промени! За нашата општина! За нашиот народ! – напиша Стефковски.

Скопје | пред 1 година

Нема фотографија

Стефковски: Секое дете од СОС Детско село ќе добие дрво за кое ќе се грижи

Градоначалникот на општина Гази Баба Бобан Стефковски утрово потпиша договор за донација со Иуте Македонија за 150 нови садници дрва.За потпишувањето на договорот, градоначалникот Стефковски информираше со објава на својата официјална страна на фејсбук на која напиша:„Утрово во просториите на општина Гази Баба го потпишавме договорот за донација со финансиското друштво Иуте Македонија.Предмет на донацијата се 150 садници дрва за зазеленување на просторот околу спортскиот терен Солидарност во населеното место Инџиково.Оваа активност ќе ја реализираме во соработка со СОС Детското село во чија близина ќе се реализира активноста за засадување на дрвата.Секое дете, кое е згрижено во СОС Детското село ќе добие свое дрво за кое во иднина ќе се грижи.Ова е уште една во низата активности кои општина Гази Баба ги реализира со цел заштита на животната средина.Како локална самоуправа во изминатот период посветивме особено внимание на заштитата на животната средина, а доказ за тоа се реализираните проекти во оваа област.Му благодарам на менаџментот на финансиското друштво Иуте Македонија за покажаната општествена одговорност“, напиша Стефковски градоначалник на општина Гази Баба.

Скопје | пред 1 година

Директорката на градинката во Гази Баба вели дека градоначалникот Стефковски ја клевети

Јас, Анета Петровска, директор на Јавна установа за деца – детска градинка „Детска радост“ – општина Гази Баба, Скопје, преку полномошник адвокат Златка Денковска од Скопје, во согласност со член 14 од Законот за граѓанската одговорност за клевета и навреда го поднесуваме следниот демант на изјава дадена од страна на градоначалникот Бобан Стефковски на општина Гази Баба во врска со донесена одлука за разрешување на лицето Анета Петровска.Бараме демантот да биде објавен целосно со сите придружни документи во најбрз можен рок сè со цел да се спречат навредите и клеветничките изјави од страна на градоначалникот Бобан Стефковски на општина Гази Баба.Имено, лицето Анета Петровска за одлуката за разрешување дознава од страна на медиумите и острите напади од страна на градоначалникот Бобан Стефковски на општина Гази Баба, таа моментно се наоѓа на боледување поради влошена здравствена состојба на своето малолетно дете.Најпрвин укажуваме дека ревизорскиот извештај од ТП „Ревизија Чулева“, за кој сега говори градоначалникот, е од 15.3.2022 година, значи оваа ревизија беше извршена веднаш по првото разрешување на директорката Анета Петровска, но бидејќи во постапката за разрешување, кога беа повикани претставници на Министерството за труд и социјална политика, ги проверија наводите, односно сите фактури за слободни јавни набавки, и утврдија дека нема пречекорување на законскиот минимум за слободна јавна набавка и дадоа негативно мислење по предлогот за разрешување по што и самиот градоначалник си го поништи своето решение за разрешување.ДОКАЗ: Произнесување – давање мислење за разрешување на директорката на детската градинка „Детска радост“, Анета Петровска, предложено до Управниот одбор на градинката врз основа на конечен извештај за извршена ревизија броја 03-2/3 од 10.1.2022 година од Добри Петров од Министерство за труд и социјална политика.Овој ревизиски извештај е направен во време на мандатот на в.д. директорката Маринела Бошевa, и тоа во период од само 3 (три) часа, па се поставува прашањето како „Ревизија Чулева“ направи извештај за само 3 (три) часа на цели 12 (дванаесет) класери, односно за целокупното работење на директорката Анета Петровска за 2021 година.Нејасно е дека како градоначалникот Бобан Стефковски сега одржува прес-конференции укажувајќи дека нема да дозволи незаконско работење кога за овој извештај веќе една година не презема ништо доколку реално имаше основ за разрешување.Имено, сакаме да ѝ го појасниме на пошироката јавност следново дека ТП „Ревизија Чулева“ не е надлежна за вршење ревизија во ЈУДГ „Детска радост“ – Скопје. Ненадлежноста на ТП „Ревизија Чулева“ произлегува од тоа што таа може да врши ревизија само во приватни субјекти, и тоа во согласност со член 1 од Законот за ревизијата, каде што е уредено:„Член 1Со овој закон се уредуваат условите за вршење ревизија во правните лица што вршат дејност во Република Македонија“.Закон за ревизија страна 1Имено, за тоа кој е надлежен за вршење на ревизија во во државни субјекти е уредено согласно член 1 од Законот за внатрешна ревизија каде е уредено:„ Член 1(1) Со овој закон се уредува системот за внатрешна ревизија заснован согласно со меѓународните стандарди за внатрешна ревизија, целите, принципите, организацијата, функционирањето и надлежностите на внатрешната ревизија на субјектите во јавниот сектор во Република Македонија.(2) Одредбите на овој закон се однесуваат на следниве субјекти од јавниот сектор (во натамошниот текст: субјекти): корисниците на средства од Буџетот на Република Македонија, Фондот за пензиско и инвалидско осигурување на Македонија, Фондот за здравствено осигурување на Македонија, Фондот за магистрални и регионални патишта, Агенцијата за вработување на Република Македонија, општините и градот Скопје, агенциите и другите институции основани со закон, јавните претпријатија, како и правните лица во кои државата е доминантен акционер. “Закон за внатрешна ревизија страна 1Со оглед на тоа што ЈУДГ Детска Радост Скопје е државен субјект, а не приватно правно лице јасно е дека ТП Ревизија Чулева е ненадлежна за вршење на ревизија.II) Ненадлежноста на ТП Ревизија Чулева произлегува и од тоа што видно од Понуда за ревидирање на финансиски извештаии (самофинансирачка сметка 777010203878714) за годината што завршува на 31 декември 2021 доставена од страна на ТП Ревизија Чулева од страна број 3 (три) под точка 8 има наведено дека услугите ќе се наплатат од самофинансирачка сметка на ЈУДГ Детска Радост Скопје.Појаснуваме дека согласно член 32 од Правилник за содржината на одделните сметки во сметковниот план за буџетските корисници е предвидено дека:„На сметката 425 – Договорни услуги, се искажуваат расходите за изнајмување на канцелариски простор и на магацински простор, изнајмување на друг тип на простор, изнајмување на канцелариска опрема, изнајмување на моторни возила, друга опрема и опрема за специјални намени, провизија за платен промет; банкарска провизија; осигурување на вработени, осигурување за повреда и инвалидитет; осигурување на недвижности и права, осигурување на моторни возила, осигурување на воздухоплови, други финансиски услуги, правни услуги, судски вештачења, судски преведувачи, судска експертиза, судски курирски услуги, плаќања за здравствени организации од Министерството за здравство, примарна здравствена заштита, специјалистичко-консултативна заштита, болнички услуги, здравствени услуги во странство, ортопедски услуги; други здравствени услуги, ветеринарни услуги, заштита од штетници во земјоделството; уништување на штетни животни; земјоделски производни услуги; услуги за заштита на водите, реките и езерата, метеоролошки и хидрометеоролошки набљудувања; испитување на квалитетот на водите и воздухот; изработка на просторни и урбанистички планови, обука за техничка култура, услуги за развој на наставниот план и програма, инструктори на кратки курсеви, дополнителни активности, услуги за вонучилишни образовни активности; превозни услуги во образованието, други образовни услуги, преведувачи, услуги за копирање, печатење и издавање, научно истражување, рушење на објекти, плаќање за користење на приватен имот во одбраната, пренос на програмите на МРТВ преку сателит и други договорни услуги..”ПРИЛОГ: Правилник за содржината на одделните сметки во сметковниот план за буџетските корисници страна број 1 и страна број 12Согласно напред наведеното произлегува дека не може ревизиски извештаи да се наплатуваат од самофинансирачката сметка – конто 425 – Договорни услуги, па оттука произлегува ненадлежноста и нестручноста на ТП Ревизија Чулева.III) Нестручноста на ТП Ревизија Чулева при постапувањето произлегува и од тоа што истата ревизијата ја има направено само паушално и тенденциозно, бидејќи истата никогаш ја нема ревидирано работата на директор Анета Петровска. Ова произлегува од тоа што ТП Ревизија Чулева согасно член 15 став 2 од Правилникот за начинот на извршување на внатрешната ревизија и начинот на известување за ревизија е уредено дека по изготвениот претходен извештај потребно е да се достави до раководителот на раководната организациона единица, во конкретниот случај Директорот Анета Петровска, која ќе има рок од 10 (десет) работни дена да се произнесе по истиот, па стои:„ Член 15(1) Претходниот извештај е првата официјална верзија на ревизорскиот извештај кој се изготвува во рок од еден месец по завршувањето на ревизијата и истиот раководителот на единицата за внатрешна ревизија го доставува до раководителите на ревидираните организациони единици. Претходниот ревизорски извештај ги вклучува и резултатите од завршниот состанок.(2) Раководителите на ревидираните организациони единици во рок од десет работни дена од приемот на претходниот ревизорски извештај треба да достават одговор по истиот.(3) Одговорот на раководителите на ревидираните организациони единици по претходниот ревизорски извештај, содржи коментари за содржината на извештајот и акциски план за спроведување на препораките со конкретно дефиниран период на извршување и одговорни лица.(4) Коментарите треба да содржат конкретни докази со цел да го оспорат мислењето на внатрешната ревизија пред да се објави конечниот извештај. “ДОКАЗ: Правилник за начинот на извршување на внатрешна ревизија и начинот на известување за ревизијта страна 1 и страна 8Со оглед на тоа што претходниот извештај никогаш не е доставен до Директорот Анета Петровска за да се произнесе по истиот, јасно е дека ТП Ревизија Чулева постапува тенденциозно, на начин што само ги има препишано наводите од ревизијата извршена од страна на Добри Петров.Воедно, ве известувам дека во поглед на работењето на Директор Анета Петровска во текот на 2021 година, се со цел да се утврди дали има недостатоци беше поднесено барање за вршење на ad hoc ревизија до Централната единица за хармонизација на системот на јавна внатрешна финансиска контрола од 07.02.2022 година, по што истиот изготви Претходен извештај за извршена супервизија на квалитетот на работењето на единицата за внатрешна ревизија во Општина Гази Баба од април 2022 година каде на страна број 10 (десет) во вториот пасус јасно е констатирано дека извршената ревизија е извршна со многу низок квалитет на работењето на внатрешната ревизија.ДОКАЗ: Претходен извештај за извршена супервизија на квалитетот на работењето на единицата за внатрешна ревизија во Општина Гази Баба од април 2022 годинаПа така на ден 10.04.2023 година во 10 и 15 часот во градинката Детска Радост беше одржана седница на Управниот одбор на која повторно беа повикани преставници од Министерството за труд и социјална политика за да дадат мислење по предлогот за разрешување на Директорот Анета Петровска. На Управниот одбор се утврди дека повторно се дискутира за истите наводи и за работата на Директорот Анета Петровска за 2021 година која е детално разгледана и останаа на истото мислење односно не сметаа дека е оправдано разрешувањето на Директорот Анета Петровска.ДОКАЗ: Записник број 16 од Управен одбор на Детска Градинка “Детска Радост” СкопјеЗаписник бр.16(1) од 10.04.2023 годинаСпоред сето напред наведено јасно е дека разерушувањето кое е сторено медиумски е тенденциозно и со намера да се наруши честа и угледот на Анета Петровска, наводите за кои ги објавува Градоначалникот Бобан Стефковски се истите за кои еднаш ја веќе ја разреши па ја повлече одлуката и ја врати за директор.

Скопје | пред 2 години

Стефковски: Се решава сообраќајниот хаос во Автокоманда

Во просториите на општина Гази Баба утрово се оддржа средба помеѓу работните групи од општина Гази Баба и ЈП Градски Паркинг со цел изнаоѓање на решение за сообраќајот во мирување во населба Автокоманда. На состанокот присуствуваа и градоначалникот на општина Гази Баба Бобан Стефковски и директорот на ЈП Градски паркинг Бојан Христовски.За состанокот градоначалникот Стефковски информираше на својата официјална фејсбук страна на која напиша:Утрово заедно со директорот Бојан Христовски го оддржавме првиот состанок помеѓу работните групи на ЈП Градски паркинг и општина Гази Баба со цел изнаоѓање на решение за регулирање на сообраќајот во мирување и ставање крај на сообраќајниот хаос во Автокоманда.Следните денови работните групи интензивно ќе работат на креирање предлог решение по што ќе започне теренска анкета во која граѓаните на Автокоманда ќе го кажат последниот збор за решението. - напиша Стефковски

Скопје | пред 3 години

Кузеска да се информира од Георгиевски за тоа колку трошел за привремени вработувања, вели Стефковски

Лицемерието на политичката партија СДСМ го достигна врвот, вели градоначалникот на Гази Баба во реакција на прес конференцијата на Богданка Кузеска од СДСМ„Наместо да се обидува да манипулира со граѓаните, ја упатуваме Богданка Кузеска од СДСМ да се ифнормира од нивниот претходен градоначалник на општина Гази Баба Борис Георгиевски за тоа колку трошел за привремени вработувања? Денешниот договор за привремени вработувања е помал од оние во времето на претходниот градоначалник за околу 5 милиони денари.Во периодот на владеењето на СДСМ со општина Гази Баба биле склучувани договори со лица кои никогаш не се појавиле на работа во општинската администрација, а примале плата од буџетот на општината со месеци.Дополнително на оние кои биле со договор за привремени вработувања висината на платата им се определувала паушално и надвор од утврдената систематизација.Овие појави во општина Гази Баба станаа минато.Времето на незаконско работење во општина Гази Баба заврши.Ги упатуваме СДСМ да се информираат од своите функционери зошто не даваат согласности за вработување во градинките, па мора општината од својот буџет да издвојува средства“, се вели во реакцијата.

Скопје | пред 3 години