Синоќа започна миењето на улиците во Гази Баба

Миењето на локалните улици во општина Гази Баба започна синоќа, информираше градоначалникот на Гази Баба, Бобан Стефковски.

— реклама —

Екипите прво беа на терен во Хиподром, а активностите во наредните денови ќе продолжат и во другите населби во општината.

Со миењето се отстрануваат наталожената прашина и нечистотиите од коловозите, со што се придонесува за почисти и поуредни улици.

— реклама —

Од Општина Гази Баба посочуваат дека активностите се спроведуваат и во вечерните часови, со цел да бидат опфатени повеќе населби.

— реклама —

„Секое маало заслужува внимание. Затоа работиме и навечер, посветено и одговорно, за Гази Баба да биде поубаво место за живеење“, порача Стефковски.