(Фото) Со тешки ранци и без логистика: Емилија и Благица освоија 35 врва на Шара за четири дена за 35 години независна Македонија

Благица Владимировска и Емилија Лазареска за четири дена искачија 35 врва на Шар Планина, симболично одбележувајќи 35 години од независноста на Македонија. Зад нив остана маршрута со вкупна висинска разлика од 8.848 метри – колку што е висок Монт Еверест.

— реклама —

Двете планинарки тргнале од Старо Село, продолжиле преку планинарскиот дом „Љуботен“, а предизвикот го завршиле преку Рудока до селото Ломница.

— реклама —

View this post on Instagram

Целиот потфат го поминале без логистичка поддршка, носејќи тешки ранци со храна и опрема за четири дена. Еден од најголемите проблеми била водата. Поради сушниот период, голем дел од високите извори на Шар Планина биле пресушени, па на одредени делови морале да се спуштаат и до 600 метри за да стигнат до вода.

— реклама —

Четирите дена значеле постојано движење, поставување и собирање на шаторот и повторно продолжување кон следниот врв. Но, меѓу физички најтешките моменти останале и оние поради кои се оди на планина – изгрејсонцата и зајдисонцата, тишината на Шара и краткиот одмор со топол чај или кафе пред шаторот.

Благица и Емилија се симнале од Шар Планина во вторникот, токму со подвигот од 35 искачени врва да го одбележат 35-годишниот јубилеј од независноста на Македонија.