Спелеонуркачкиот клуб „Врело“ соопшти дека експедицијата завршила со три нови светски рекорди, поврзани со истражување на најдлабоката пештера досега, најдлабоко нуркање во пештера и длабинско нуркање на отворени води.
Точните длабочини и деталите за постигнувањата ќе бидат соопштени на прес-конференција што ќе се одржи утре, во сабота, со почеток во 9 часот, во базниот камп на Спелеонуркачкиот камп „Врело“ на Матка.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Од клубот ги повикаа заинтересираните новинари да пристигнат најдоцна до 8:30 часот кај сините чамци, на првата платформа. Превозот со чамец до базниот камп ќе биде организиран во зависност од бројот на пријавени новинари.
Од „Врело“ побараа медиумите однапред да го потврдат присуството заради полесна организација. Воедно, посочија дека за објавување се соодветни фотографиите испратени од клубот, додека други фотографии што веќе се појавиле во јавноста не се од оваа експедиција и не се валидни.
