Утре бесплатна тура до Матка и Врело со автобуски превоз и туристички водич

Граѓаните ќе имаат можност бесплатно да ги посетат Матка и пештерата Врело во рамките на организираната тура што ја најави Град Скопје. Разгледот ќе се одржи во сабота, со обезбеден автобуски превоз и професионален туристички водич.

Од Град Скопје информираат дека целта на иницијативата е природните убавини на градот да им бидат подостапни на граѓаните и да се поттикне нивното запознавање и зачувување.

— реклама —

Инспирацијата за организирање на посетата, како што наведуваат, доаѓа и од неодамнешниот истражувачки подвиг во пештерата Врело, која заедно со кањонот Матка претставува едно од значајните природни богатства на Скопје.

— реклама —

Туристичкиот разглед ќе го води претставник на Македонската асоцијација на туристички водичи и придружници, кој ќе ги запознае посетителите со природните особености на овој предел.

Поаѓањето е предвидено од Порта „Македонија“, во сабота во 10 часот. Заинтересираните граѓани можат да се пријават на телефонскиот број 072 213 692.

— реклама —

Од Град Скопје ги повикуваат граѓаните да ја искористат можноста бесплатно да ги откријат природните убавини на Матка и Врело.