(Фото) Хорор за време на училишниот одмор: автомобил влета во група деца во Мелбурн, загина момче

11-годишно дете почина, а неколку други се повредени откако автомобил удри во ограда во основното училиште Обурн Саут во источниот дел на Мелбурн.

Најмалку пет деца биле удрени од автомобилот, а 11-годишното момче било пренесено во болница во критична состојба, каде што починало. Другите четири се пренесени во болница со повреди кои не се опасни по живот.

— реклама —

— реклама —

Портпаролот на Министерството за образование изјави дека е можно на возачот на автомобилот да му се слошило, пишува Скај Њуз.

— реклама —

Полицијата соопшти дека возилото се движело по улица кога излетало од патот и ја пробило училишната ограда нешто по 14:30 часот.

— реклама —

Петте деца кои биле удрени седеле на клупа покрај оградата кога автомобилот налетал на нив. Учениците биле излезени на училишен одмор кога се случила несреќата и неколку деца биле сведоци на несреќата.

„Возачот е уапсен и ќе биде сослушан“, соопшти полицијата на Викторија.