Фрлена експлозивна направа во двор на куќа во Куманово

Експлозивна направа била фрлена во дворот на семејна куќа во Куманово, а полицијата презема мерки за откривање на сторителот.

— реклама —

Од Министерството за внатрешни работи информираат дека на 28 јули во 14:35 часот во СВР Куманово, 30-годишниот Е.Х. од Куманово пријавил дека во дворот од неговата куќа на улицата „Бајрам Шабани“ била фрлена експлозивна направа.

— реклама —

При увидот, полициските службеници ја пронашле експлозивната направа на терасата од куќата, додека во дворот била пронајдена и една безбедносна рачка, за која се претпоставува дека потекнува од истата направа.

— реклама —

Експлозивната направа била безбедно подигната од страна на Единицата за откривање и деминирање на експлозивни средства и направи при МВР, по што е испратена на понатамошна обработка.

— реклама —

Од МВР велат дека се преземаат мерки за целосно расчистување на случајот.