Гази Баба ќе субвенционира вградување на уреди за течен гас/метан или друг вид на алтернативно гориво во возилата

Градоначалникот на Општина Гази Баба, Бобан Стефковски денеска информираше дека е објавен Јавен повик за субвенционирање на граѓаните на подрачјето на општина Гази Баба за вградување на уреди за течен гас/метан или друг вид на алтернативно гориво во возилата за 2026 година.

— реклама —

Како што посочи во објавата на Фејсбук, Општина Гази Баба ги повикува сите граѓани да аплицираат за субвенции за вградување уред на ТНГ, метан или друг вид алтернативно гориво во своето возило!

— реклама —

„Се покриваат до 50% од трошоците, но најмногу до 18.000 денари по возило и се субвенционира едно возило по семејство“, истакна Стефковски.

Повикот трае до 30.11.2026 или до исцрпување на средствата, а право на учество имаат жители на општина Гази Баба кои поседуваат возило произведено по 01.01.2007 година и ќе вградат уред по објавување на повикот.

— реклама —

Аплицирањето се врши со доставување барање и потребната документација во затворен плик до Општината, а изборот ќе се врши по принципот „прв дојден, прв услужен“.

Линк до јавниот повик: https://gazibaba.gov.mk/javen-povik-za-subvencioniranje.../