Гигантот Bosch укинува илјадници работни места за да заштеди 2,5 милијарди евра

Германскиот индустриски гигант Bosch планира да отпушти околу 13.000 работници, главно во Германија, откако минатата година веќе укина повеќе од 10.000 работни места.

— реклама —

Најпогодени ќе бидат погоните поврзани со автомобилската индустрија, а откази ќе има и во седиштето на концернот. Од Bosch појаснија дека станува збор за „неопходни чекори“ со кои годишно треба да се заштедат 2,5 милијарди евра.

— реклама —

Како главни причини се наведуваат кризата во германската автомобилската индустрија и потребата од заштеда за инвестиции во нови технологии поврзани со електрификацијата на возилата и развојот на автономниот транспорт.

Технологиите на иднината, како електромобилноста или автономните возила, носат голема шанса, но нивната експанзија драстично доцни“, изјави директорот на Bosch, Стефан Грош, додавајќи дека побарувачката сѐ повеќе се преферира надвор од Европа.

— реклама —

Bosch веќе минатата година започна со укинување на работни места во секторот за автомобилска индустрија и тогаш отпушти околу 10.000 работници.

Во четвртокот беше претставена и т.н. Есенска проценка на економскиот раст во Германија, која предвидува раст во следните две години, делумно благодарение на најавените државни инвестиции. Сепак, економистите предупредуваат дека тоа е краткорочен ефект и дека на Германија ѝ се потребни темелни структурни реформи, бидејќи извозот бележи постојан пад.