Ѓорѓиевски најави голема теренска посета низ сите скопски општини

Градоначалникот на Град Скопје, Орце Ѓорѓиевски, најави почеток на, како што посочи, досега најголемата теренска посета низ сите скопски општини, со цел директна комуникација со граѓаните и увид во проблемите на терен.

— реклама —

Според Ѓорѓиевски, во посетите ќе учествуваат и директори на јавните претпријатија на Град Скопје, како и претставници од градските сектори, за граѓаните да можат директно да поставуваат прашања, да даваат предлози и да добиваат конкретни одговори и решенија.

— реклама —

Тој порача дека „теренот е неговата природна средина“ и дека вистинските решенија се носат меѓу граѓаните и преку непосреден контакт со нив.

— реклама —

Ѓорѓиевски истакна дека во изминатите шест месеци биле откочени и започнати повеќе проекти кои, според него, со години биле заборавени или оставени без реализација.

Првата средба со граѓаните ќе се одржи во Домот на културата „Билјана Беличанец“ во Општина Кисела Вода, на 27 мај, со почеток од 19:30 часот.