По децении чекање, почна реконструкцијата на улицата „Лазар Поп Трајков“ во Гази Баба, најави Ѓорѓиевски

По долгогодишно чекање, започна реконструкцијата на улицата „Лазар Поп Трајков“ во општина Гази Баба, со која се очекува да се подобрат условите за движење на возачите и пешаците.

— реклама —

Почетокот на градежните работи го означија градоначалникот на Скопје, Орце Ѓорѓиевски, и градоначалникот на Гази Баба, Бобан Стефковски.

— реклама —

Ѓорѓиевски истакна дека, иако реконструкцијата не била предвидена во неговата програма, потребите на граѓаните остануваат обврска. Проектот предвидува поставување нов асфалт, изградба на тротоари и поставување рабници, со цел да се зголеми безбедноста и да се подобри инфраструктурата.

Тој потсети и на неодамнешната реконструкција на надвозникот „Естакада“, нагласувајќи дека целта е рамномерно вложување во сите општини и создавање подобри услови за живот во Скопје.

— реклама —