Ѓорѓиевски по повод повторно отворената Народна канцеларија на претседателот: Институциите мора да бидат блиску до народот

Орце Ѓорѓиевски преку објава на социјалните мрежи информираше дека повторно е отворена Народната канцеларија на претседателот на Република Македонија во центарот на Скопје.

— реклама —

Тој посочи дека на покана на претседателката Гордана Силјановска Давкова присуствувал на отворањето на канцеларијата, која, како што наведе, претставува важен чекор кон поотворени институции и директна комуникација со граѓаните.

— реклама —

„Народната канцеларија е место каде што секој граѓанин може да биде сослушан, да поднесе претставка, иницијатива, петиција или предлог“, напиша Ѓорѓиевски.

Тој додаде дека институциите постојат за народот и затоа мора да бидат блиску до граѓаните, изразувајќи надеж дека канцеларијата ќе биде „вистински мост меѓу граѓаните и институцијата Претседател“.

— реклама —