СДСМ преку соопштение изјави дека политиките на ВМРО-ДПМНЕ се спротивни на идеалите на македонскиот револуционер Гоце Делчев.
Во реакцијата, СДСМ се повика на интервју на Христо Христов, внук на Гоце Делчев, кој за бугарски медиуми изјавил дека Делчев „со гадење“ би ја гледал денешната состојба на Балканот.
Од партијата наведуваат дека Делчев се борел за слобода, правда и единство, а не за, како што велат, „поделби, конфликти, криминал и изолација“.
СДСМ обвини дека актуелната власт предводена од Христијан Мицкоски води политика на конфликти со соседите и блокирање на европскиот пат на државата.
„СДСМ продолжува да се бори за вистинските идеали на Гоце Делчев – за единствена, слободна и европска Македонија“, се наведува во партиското соопштение.
