Голем пожар кај Прилеп: Изгоре викендичка и насад со лешници

Голем пожар избувнал вчера попладне во местото викано „Заград“ кај Прилеп, при што биле зафатени сува трева, викенд-куќа и околу 25 декари земјиште засадено со лешници.

— реклама —

Како што информираат од Министерството за внатрешни работи, случајот бил пријавен на 26 јули во 16:16 часот во ОВР Прилеп.

— реклама —

— реклама —

На местото интервенирала екипа на Територијалната противпожарна единица Прилеп, која успеала да го локализира пожарот. Во тек се активности за негово целосно гаснење.

— реклама —

Засега не се соопштени информации за причините за избувнувањето на пожарот, ниту дали има повредени лица.