Голем пожар во Албанија, евакуирани семејства од загрозено село

Албанските пожарникари денеска се бореа со голем пожар во јужниот регион Малакстер, поради кој беа евакуирани петнаесетина семејства, нивниот добиток и домашните миленици.

— реклама —

Според албанските служби за итни интервенции, на терен се ангажирани копнени и воздушни сили за да се спречи огнот да стигне до куќите во селото Рибан.

— реклама —

Во меѓувреме, продолжуваат напорите за локализирање и на втор пожар во планински предел јужно од Ѓирокастро, за кој се претпоставува дека бил предизвикан од удар на гром.

— реклама —

Пожарите се дел од топлотниот бран што ги зафати јужните и источните делови на Европа. Во Италија се издадени црвени предупредувања за високи температури, кои во некои области ќе достигнат околу 40 Целзиусови степени.

— реклама —

Во соседна Грција, пожар во близина на туристичко одморалиште северозападно од Атина оштети куќи, предизвика итни евакуации и уништи илјадници хектари земјоделско земјиште. Иако пожарот е ставен под контрола, стотици пожарникари и шест хеликоптери остануваат на терен за да спречат негово повторно разгорување.