Голема полициска акција во Турција: 195 осомничени за рекетарство и трговија со оружје

Турската полиција спровела координирани акции против организираниот криминал во 14 покраини, при што се поведени постапки против 195 осомничени за рекетарство и трговија со оружје, објави „Анадолу“.

— реклама —

Акциите биле спроведени во Адана, Анкара, Баликесир, Елазиг, Газиантеп, Истанбул, Коџаели, Коња, Малатија, Мугла, Невшехир, Ризе, Шанлиурфа и Ван.

— реклама —

Според турското Министерство за внатрешни работи, осомничените се товарат дека формирале вооружени криминални организации или биле нивни членови, незаконски стекнувале имотна корист со закани и употреба на сила, како и тргувале со оружје и муниција и обезбедувале логистичка поддршка за криминални групи.

— реклама —

Во рамките на акциите, при претресите биле запленети 41 пиштол, 16 ловечки пушки, пет гасни пиштоли и две пушки со долги цевки. Полицијата одзела и големо количество муниција, шаржери и делови за оружје.

Против вкупно 195 осомничени лица е поведена правна постапка.