Големо поевтинување на горивата: бензините поевтини за 7 денари, а дизелот за 5,5 денари

Цените на сите нафтени деривати бележат значително намалување откако Регулаторната комисија за енергетика донесе одлука за поевтинување во просек за 7,51 процент во однос на цените утврдени на 2 ноември.

— реклама —

Бензините Еуросупер БС-95 и БС-98 поевтинуваат за седум денари по литар. Новата цена на 95-ката ќе изнесува 86 денари, а на 98-ката 88 денари за литар.

— реклама —

— реклама —

Дизелот ќе биде поевтин за 5,5 денари и ќе се продава по 94,5 денари за литар. Екстралесното масло за домаќинство поевтинува за 6,5 денари, на 103,5 денари за литар, додека цената на мазутот се намалува за 6,26 денари по килограм и ќе изнесува 49,31 денар.

— реклама —

Одлуката е донесена поради падот на берзанските цени на нафтените деривати и понискиот курс на доларот, но и како резултат на владините мерки за намалување на акцизите. Акцизата за бензините е намалена за два денара, а за дизелот за четири денари по литар. Дополнително, за дизелот се применува и намалена стапка на ДДВ од 10 проценти.